زانیاری لە بارەی هاوسه‌رگیری‌ گه‌نجێك له‌گه‌ڵ‌ چوار بووك له‌ یه‌ك رۆژدا بزانە

24/06/2016 - 15:46 بڵاوکراوەتەوە لە هەواڵ/هەمەڕەنگ

چەند رۆژێكە دەزگا راگەیاندنەكان باس لە پرۆسەی هاوسەرگیری پیاوێكی كوێتی لەگەڵ چوار ئافرەت دەكەن لە یەك رۆژدا، دواتر ئاشكرا بوو كه‌ ئەو پیاوە یه‌ك هاوسه‌ری‌ هه‌یه‌ و بوكه‌كانی‌ تر كە لە وێنە و گرتە ڤیدیۆیەكان دەرچوون تەنها نمایشی مۆدێل بوون.

دەزگا راگەیاندنە كوێتیەكان بڵاویان كردەوە ، زاواكه‌ ناوی‌ ئه‌مین ئه‌لغباشی خەڵكی كوێتە و له‌ 2016/4/1ه‌وه‌  پرۆسەی هاوسەرگیری ئەنجامداوە لەگەڵ دكتۆره‌ خلودی‌ كە ئەویش خەڵكی ئوردنە.

 لەبارەی دەرچوونی چوار ئافرەت بە جلی بووك لە  وێنە و گرته‌ ڤیدیۆییه‌كه‌، رۆژنامەی قەبەس دەڵێت : ئەوە  ته‌نها ریكلامێك بووه‌ بۆ جلی‌ بووك و پێداویستی‌ ئاهه‌نگ و كچه‌كانی‌ تر ته‌نها مۆدێل بوون و تەنانەت خزمی بووكەش نابن و ئەوەی ئاهەنگەكەی رێكخستووە ئەو شێوازەی بۆ ئاهەنگەكە زیادكردوە.

چەند كه‌ناڵێكی كوردی لە مەڕ خۆمان ئەو هەواڵەیان بڵاو كردبۆوە ، تەنانەت باسیان لە هۆكاری ئەو هاوسەرگیریەش كردبوو كە وەكو پەرچە كردار بووە..