خانمە ئەكتەرە توركیەكە باس لە خەونە گەورەكەی دەكات

02/07/2016 - 15:18 بڵاوکراوەتەوە لە هەواڵ/هەمەڕەنگ

كوردیو - ئیسحاق عەلائەدین

لە كاتی كردنەوەی فیلمی "ئاگر" كاتێك (بوشرا ئەیادین) ئەكتەری توركی بە ئارەزوی خۆی بریاریدا حیجاب بپۆشێت ، دەنگۆیەكی گەورەی لەناو جیهانی هونەردۆستاندا دروست كرد ، بەتایبەتی دوای ئەوەی توانی لە جیهانی هونەریدا ، و لە تەمەنی 12 ساڵیدا ، وەكو مناڵێك لە ڕێگەی زنجیرە دراماكان ، و ریكلامەكاندا سەركەوتن بەدەست بهێنێت .
 
ئەیادین ئەو كچەی لە زنجیرە درامای بەناوبانگی توركی "دۆڵی گورگەكان" و زنجیرە درامای "كاتی عەشق"دا سەركەوتنی بەدەست هێناوە ، ئێستا لە دوا فیلمدا بۆتە حجاب و باڵا پۆش ، ئەیادین وتیشی: "باڵاپۆشیەكەی هیچ پەیوەندی بە ڕۆڵی باڵاپۆشی ناو فیلمەكەوە نیە ، بەڵكو هەر لە تەمەنی 8 ساڵیەوە كە لە بواری هونەردا كاری كردووە ، بەردەوام خەونی بە باڵاپۆشیەوە بینیوە" .
 
ئەیادین دەڵێت: "سەرەرای ئەوەی خێزانەكەمان پارێزگار نین ، بەڵام كاتێك حیجابم پۆشی و بومە باڵاپۆش دژم نەوەستانەوە" .
 
لە چاوپێكەوتنیدا لەگەڵ گۆڤاری "سەیدەتی"دا كچە ئەكتەرە لاوەكە وتی: "فكرەی باڵاپۆشی هەر لە مناڵیەوە بۆم دروست ببو ، وە هونەر ئامرازێكە بۆ داهێنان ، و دابین كردنی بژێوی ژیان ، بەڵام ئامانجی سەرەكی ژایان نیە" .
 
 
ئەیادین وتی: "باوكم یەكەم كەس بو هەواڵی باڵاپۆشیەكەم پێدا ، و ئاسایی بریارەكەی وەرگرت ، بۆیە هەر ئەوكات بریارمدا حیجاب ، و باڵاپۆشی بكەم" .
 
 
وە لەسەر پەرچەكرداری هەوادارانی كچە لاوە 21 ساڵیەكە وتی: "كۆمێنتی هاوكارانم و هەوادارانم لەسەر حیجابەكەم هەرگیز نیگەتیڤ نەبون ، چونكە بریارێك بو بەقەناعەتەوە دابوم ، بۆیەش پێویست بو دوانەخرێت ، ئێستاش هەست بە ئارامی و خۆشبەختی دەكەم" .
 
 
ئەیادین كچە ئەكتەرە توركیەكە لە دایكبوی ئەنقەرەی پایتەختی توركیا دەربارەی دوركەوتنەوەی لە كاری هونەر و ئەكەتەری وتی: "لە بواری ئەكتەریدا بەردەوام دەبم ، لە هەمو ئەو فیلمانەی لە ڕابردوشدا تیایاندا بەشدار بووم پەشیمان نیم ، وە ئێستاش خۆم ئامادەكەم بۆ فیلمێكی تازە بەناوی (Siccin 3)" .
 
 
م. كانی