گەورە دەرهێنەرێكی سینەمایی كۆچی دوایی كرد

05/07/2016 - 10:06 بڵاوکراوەتەوە لە هەواڵ/هەمەڕەنگ

 

 

 

میدیاكانی ئێران كۆچی دوایی یەكێك لەدەرهێنەرە سینەماییە بەناوبانگەكانی ووڵاتەكەیان لەفەرەنسا بڵاوكردەوە.
(عەباس كیا رۆستەمی) دەرهێنەری سینەمایی بەناوبانگی ئێرانی لەیەكێك لەنەخۆشخانەكانی پاریسی پایتەختی فەرەنسا لەتەمەنی (76) ساڵی بەهۆی نەخۆشییەوە كۆچی دوایی كرد.
رۆستەمی دوای بەرپابوونی شۆڕشی ئیسلامی لەساڵی (1979) لە ووڵاتەكەی مایەوەو پاشان دەستی بەكاری سینەمایی كردو لەماوەی رابردوو لە (40) فیلم و بابەتی دۆكیۆمێنتی كاری كردووە.
ئەو دەرهێنەرە سینەماییەی ئێران لەماوەكانی رابردوودا چەندین خەڵاتی پێدراوە، یەكێكیش لەوان (گوڵە گەنمی زێڕین) بووە، كە تاكە دەرهێنەری ئێرانی بووە ئەو خەڵاتەی پێدرابێت.
دوای بڵاوبوونەوەی هەواڵی كۆچی دوایی كیارۆستەمیش گۆڤارێكی ئەمریكی بەناوی (شانۆی فیلمەكان) رایگەیاندووە، جیهان یەكێك لە گەورە دەرهێنەرە سینەماییەكانی لەدەستدا، ئەمە جگە لە سەرەخۆشی چەندین دامەزراوەی سینەمایی بەناوبانگی جیهانی.
جێگەی باسكردنە (عەباس كیا رۆستەمی) لەساڵی (1940) لەشاری تاران لەدایك بووە، خوێندنی لەپەیمانگەی هونەرە جوانەكانی زانكۆی تاران بووە.

 

ئـ . كـ