ئەگەر منداڵەكەمان وشەی نەشیاوی بەكارهێنا چی بكەین ؟؟

15/08/2019 - 11:34 بڵاوکراوەتەوە لە هەواڵ/هەمەڕەنگ

 

 

ئەگەر منداڵ لە خوار تەمەنی (3) ساڵ بوو، سەرنجی مەدەنێ، نە بەئەرێنی نە بەنەرێنی تا ئەوكاتەی بێدەنگ دەبێت، رەنگە ئەم رەفتارەی بۆماوەی هەفتەیەك تا مانگێك بخایەنێت.

ئەگەر منداڵ تەمەنی (3) ساڵ زیاتر تا (۷) ساڵ بوو؛ واباشتر سوود لە رەوشی كراوە وەرگرن.

لەبیرتان بێت نابێت ئێوە بەناونیشانی دایك و باوك بیكەنە كێشەو دەمەقاڵە، ووشەی نەشیاو بۆ ئەو قۆناغەی تەمەن سروشتیە، چونكە منداڵ لەهەر سەد چەمكێك كە فێری دەبێت یەك بۆ دوو ووشەی نەشیاو فێردەبێت، پێویستە ئێوە بزانن ئەو رەفتارە ئاماژەیەكی باشە كە تۆڕی دەمارەكانی مێشكی لە سەروبەندی گەشەدایە.

ئەگەر كەسێك چاوەڕوانی ئەوەبێت كەنابێت منداڵەكەی لە هیچ شوێن و كاتێكدا، هیچ ووشەیەكی نەشیاو بەكاربهێنێت، دڵنیابێت، دڵنیا بێت چاوەڕوانیەكەی نادروستە.

پێویستە ئێوە هیچ پەرچەكردارێكی نەرێنی بەكارنەبەن و خوێنساردی خۆتان بپارێزن.