هەرزانترین شار بۆ گەشتوگوزار بناسن

24/08/2019 - 08:28 بڵاوکراوەتەوە لە هەواڵ/هەمەڕەنگ

 

 

هەموو تاكێكی نێو كۆمەڵگە حەز بەوە دەكات لە وەرزی گەشتوگوزاردا گەشت و سەفەر بكات بۆ ئەو شارو وڵاتانەی كە زۆرترین دیمەنی سەرنج ڕاكێش و شوێنەوارو شوێنی پشوودانی زۆریان هەیە، پاشان مەسەلەی هەرزانی و گرانی نرخ دێتە پێشەوە كە بۆ گەشتیار زۆر گرنگە كە ئەو لایەنە لەبەرچاو بگرێت، چونكە شوێنی گەشتوگوزاری لە هەموو دنیا نرخەكەی بەرزە بەپێی ئەوەی شوێنی بەرچاوو دڵفرێنی لێیەو باشترین خزمەتگوزاریش پێشكەش دەكەن، بۆیە دەبینین لە وەرزی گەشتوگوزاردا هەموو نرخەكان بەرزن، ئەوەی گەشت بكات دەبێ پارەیەكی ئەستوور ئامادە بكات، بەڵام لە هەمان كاتیش شارو وڵاتەكان پێشبڕكێ دەكەن لەسەر داشكاندنی نرخ تەنیا بۆ ئەوەی زۆرترین گەشتیار بۆ لای خۆیان ڕابكێشن، هەر بۆ ئەو مەبەستە لە هەموو شوێنێك ڕێكلامی بازرگانی بۆ دەكەن و تەواوی نرخ و خزمەتگوزارییەكان دەخەنەڕوو، هەر بۆ نموونەش كۆمپانیای (دای بریك هوتیلز) لە توێژینەوەیەكی تازەدا سەبارەت بە شارە گەشتیارییەكانی جیهان لە ساڵی (2019) دا ڕاپۆرتێكی تێرو تەسەلی ئامادە كردوەو تێیدا ناوی (ڕۆما) ی بە بەراورد لەگەڵ هەریەك لە شارەكانی دیكەی وەك نیۆیۆرك و میلانۆو لەندەن و پاریس و دوبەی و بەرلین وەك هەرزانترین شاری گەشتیاری ئاشكرا كردووە كە بۆ ئەمساڵ زۆرترین گەشتیار ڕوویان تێكردوەو لە هەموو ڕوویەكەوە بە تایبەتی لە ڕووی نرخی فرۆشتنی بلیتی فڕۆكەو هۆتێل و ژەمەكانی خواردن ئاسانكاری زۆریان بۆ كراوە هەر ئەوەش بۆتە هۆی ئەوەی كە ساڵانە بە تایبەتی ئەمساڵی (2019) زۆرترین گەشتیار لە سەرانسەری جیهان ڕووی تێبكەن بەوەش داهاتێكی زۆر لە ڕێگەی ئەو كەرتەوە بچێتە گەنجینەی وڵاتەوە، چونكە هەرزانی نرخ و باش مامەڵەكردن گرنگترین و باشترین فاكتەرن بۆ ئەوەی گەشتیاران ڕوو لە شارو وڵاتەكە بكەن، لە دوای ئەویش شاری بەرلین دێ كە شیاوترین شارە بۆ گەشتو گوزاری لە ڕووی نرخەوەش كەمێك لەباترە بە بەراورد لەگەڵ شارو وڵاتە گەشتیارییەكانی دیكە، لە دوای بەریلینیش هەر یەك لە شارەكانی دیكەی وەك دوبەی و لەندەن و میلانۆو نیۆیۆرك دێن.

موحەمەد سەعید كوردە – هەولێر