دراوێكی 10 سەنتی بە نرخێكی خەیاڵی دەفرۆشرێت

24/08/2019 - 10:40 بڵاوکراوەتەوە لە هەواڵ/هەمەڕەنگ

 

 

لە مەزادێكدا دراوێكی (10) سەنتی كە مێژووەكەی بۆ زیاتر لە سەدەیەك دەگەڕێتەوە، بە (1.32) ملیۆن دۆلار نرخی بۆ دانرا.

لە هەواڵێكی (سی ‌ئێن ‌ئێن) دا هاتووە، دراوی (10) سەنتی كە مێژووەكەی بۆ ساڵی (1894) دەگەڕێتەوەو لەو سەردەمەدا تەنها (23) دانە خراوەتە بەردەست، بە بڕی (1.32) ملیۆن دۆلار فرۆشرا بە (دێڵ ‌لۆی هانسن) كەوا خاوەنی یانەی (ریەڵ ساڵت لەیك) ەو لە هەمان كاتدا كۆكەرەوەی پارەی كانزانییە.

جێگەی ئاماژەیە ناوبراو هانسن ئاماژەی بەوە كردووە كە لە هەوڵی ئەوە دایە نموونەی هەر دراوێكی كانزاییە كەوا لە ساڵی (1792) ەوە لە ئەمریكا دەركراوە، بخاتە نێو ئەو دراوە كانزاییانەی تا ئێستا كۆیكردۆتەوە.

بەپێی زانیارییەكانی ماڵپەری تەبا لە ساڵی (2016) دا دراوێكی تری كانزایی كە مێژووەكەی بۆ (125) ساڵ دەگەڕێتەوە، بە (2) ملیۆن دۆلار فرۆشرابوو.