ئۆباما ئێستا به‌ چییه‌وه‌ سه‌رقاڵه‌..؟

07/10/2019 - 09:10 بڵاوکراوەتەوە لە هەواڵ/هەمەڕەنگ

 

باراک ئۆباما دانی به‌وه‌دا ناوه‌ که‌ هاوسه‌ره‌که‌ی له‌وه‌ توڕه‌ بووه‌ که‌ ئه‌و کاته‌ بووه‌ته‌ کاندیدی سه‌رۆکایه‌تی کۆماری ئه‌مریکا.

باراک ئۆباما سه‌رۆک کۆماری پێشووی ئه‌مریکا پاش کۆتایی خولی سه‌رۆکایه‌تیی له‌ کۆشکی سپی ئه‌وه‌ی ئاشکرا کردووه‌ که‌ به‌ چییه‌وه‌ سه‌رقاڵه‌.

ئه‌و له‌ ڕێوڕه‌سمێکدا ڕایگه‌یاندووه‌ که‌ له‌ ئێستادا ته‌نیا خۆمم به‌ خه‌وتنه‌وه‌ سه‌رقاڵ کردووه‌.

ئۆباما ڕایگه‌یاندووه‌ که‌ خه‌و وه‌کوو ماده‌ هۆشبه‌ره‌کانه‌، پاش خه‌وێکی ئارام، هه‌ستێکی به‌خته‌وه‌ریت ده‌بێت.

ڕاشیگه‌یاند که‌ پاش سه‌رۆکایه‌تی کۆمار کاتێکی زۆری بۆ خوێندنه‌وه‌، تێفکرین و گه‌شتوگوزار له‌ گه‌ڵ هاوسه‌ره‌که‌ی هه‌یه‌.

سه‌رۆک کۆماری پێشووی ئه‌مریکا دانی به‌وه‌دا ناوه‌ که‌ له‌ کاتی کاندیدبوونی بۆ سه‌رۆکایه‌تی، میشلی هاوسه‌ری لێی توڕه‌ بووه‌ و هه‌موو کات ئه‌و نیگه‌رانییه‌شی پێ ڕاگه‌یاندووه‌.