لەكاتی ئاگركەوتنەوەدا چۆن كەسێك لەمردن ڕزگار دەكەیت؟ لەكوردیو بیزانە

09/10/2019 - 12:24 بڵاوکراوەتەوە لە هەواڵ/هەمەڕەنگ


كاتێك ڕووداوی ئاگركەوتنەوە ڕوودەدات، لەئاگرگرتنی ئۆتۆمبێل یان هەر حاڵەتێكی دیكەدا، كەسێك جەستەی گڕدەكرێت بەهۆی ئاگرەكەوە، ئێمە چی بكەین بۆئەوەی ئەو كەسە ڕزگاربكەین؟.


بەوتەی شارەزایان، ئەگەر كەوتینە ئەو حاڵەتەوە سێ‌ هەنگاو هەیە ئەبێت بیكەین‌و دەتوانین ئەو كەسە ڕزگاربكەین، ئەوانیش سێ‌ هەنگاوی یەك لەدوای یەكی ئاسانن:

 

یەكەم/ وەستان (STOP): بەواتای ئەو كەسەی كە ئاگر لەجەستەی بەربووە، ڕاستەوخۆ بوەستێنین‌و ڕێگە نەدەین بڕوات یان ڕابكات.


دووەم/ ڕاكشان (DROP): لەهەنگاوی دووەمدا هەوڵبدەو داوا لەكەسەكە بكە لەسەر زەوی ڕابكشێت، لەبەرئەوەی ئەگەر لەو حاڵەتەدا بەڕاوەستاوی بمێنێتەوە، جەستەی هاوشێوەی مۆم بەوەستاوەی، باشتر ئاگر دەگرێت‌و دەسوتێت.


سێیەم / وەرچەرخان بەلای ڕاست‌و چەپدا بەڕاكشاوی (ROLL)، كاتێك كەسەكە لەسەر زەوی ڕادەكشێت، دەبێت بەلای ڕاست‌و چەپدا وەری بچەرخێنین، ئەم هەنگاوەش یارمەتی كوژاندنەوەی ئاگرەكە دەدات.

 

ئەم سێ‌ هەنگاوەش تەنها چەند چركەیەك دەخایەنێت، ڕایبگرە‌و لەسەر زەوی بیخەوێنەوە‌و بالای ڕاست‌و چەپدا وەریبچەرخێنە.


حاڵەتێكی تر هەیە شارەزایان هۆشداری دەدەن‌و جەخت لەوە دەكەنەوە، نابێت بەهیچ جۆرێك لەحاڵەتی گڕگرتنی جەستەی كەسێكدا ئاو بەكاربهێنرێت بۆ كوژاندنەوەی ئاگرەكە، لەبەرئەوەی جەستەی زۆر گەرمە‌و ئاوی پێدا دەكەین، واتە گەرمی‌و ساردی لەیەك كاتدا، ئەمەش دەبێتە هۆی مردنی خانەكانی جەستەی‌و تووشی حاڵەتی شۆكی دەماری دەكات‌و ئەگەری مردنی زۆر دەبێت.

 

ئەگەر فریا بكەویت لەبری ئەو سێ‌ هەنگاوەی سەرەوە، دەتوانیت بەتانیەك بپێچیت لەجەستەی كەسەكە.


ئێمە بەو كارەمان كەسێكی نزیك‌و خۆشەویست یاخود هەر كەسێكی دیكە لەسوتان‌و مردن ڕزگار دەكەین، بۆیە زۆر پێویست‌و گرنگە هەمووان فێری ئەم هەنگاوانە ببین.