پیاوێك كامێرای نهێنی لەماڵەكەی داناوە، بزانە چی كردووە !!!

شەممە, 09 ئەیلول 2017 07:46

 

 

هاوڵاتییەك لەنێو ماڵەكەی بەشێوەیەكی نهێنی كامێرای جێگیركردووە تاكو لەو ڕێگەیەوە تۆماری ئەو وێنانە بكات كە خێزانەكەی هێرشی دەكاتە سەر.


بەپێی هەواڵێكی رۆژنامەی تایمز، (نێڵ تۆیدی) تەمەن (45) ساڵ و (هێلین) ی هاوسەری تەمەن (45) ماوەی (12) ساڵە بەیەكەوەن و لەم ماویەدا تووشی زۆر كێشەو تەنگ و چەڵەمەبوونە، بەتایبەتی ژنەكە زۆرجار هێرشی كردۆتە سەری و لێی داوە.

پیاوەكە لەماوەی ئەم چەند ساڵەدا زۆر ئارامی لەسەر گرتووەو تەنانەت بۆ چەند جارێك ماڵەكەی جێهێشتووە، بەڵام لای پۆلیس سكاڵای تۆمار نەكردووە، بەڵام ژنەكە هەروەكو خۆی بووەو نەگۆڕاوەو هەر بەسەریدا هاواری كردووەو لێی داوە، بۆیە ئەویش وەك بەڵگەیەك لەبەردەم دادگا هەڵساوە بە دانانی كامێرا لەسوچێكی خانووەكەی بەشێوەیەكی نهێنی.

دوای ئەوەی سكاڵای لەسەر تۆمار كردووە، ژنەكە دانی بەوەداناوە كە لەماوەی ئەم چەند ساڵەی ژیانیاندا زۆرجار لەپیاوەكەی داوەو بەسەریدا هاواری كردووەو سوكایەتی پێكردووە، لەلایەن خۆشیەوە قازی دوو سزای بۆ داناوە، یەكەمیان ئەوە بووە ڕێگری كردووە تاكو بۆ ماوەی ساڵێك پەیوەندی بە پیاوەكەی بكات، دووەمیش ئەوە بووە كە ماوەی ساڵێك كاری مامۆستایەتی بكات بەبێ‌ مووچە.

رۆژنامەكە نووسیویەتی، ئەو ژنە لەقوتابخانە مامۆستا بووە، مامۆستایەكی سەركەوتووش بووە، بەڵام پێدەچێت هۆگری زۆری بۆ خواردنەوەی مادەی كهولی كاریگەری كردبێتە سەر هەڵسوكەوتەكانی.

 

ئـ . كـ