شانۆكارێكی بەناوبانگ كۆچی دوایی كرد

یەک شەممە, 08 تشرینی یەکەم 2017 11:32

 

 

ئەمڕۆ شانۆكارێكی بەناوبانگی عێراقی لەتەمەنی (71) ساڵیدا بەهۆی نەخۆشییەوە كۆچی دوایی كرد.

(زەینەب قەساب) بەڕێوەبەری راگەیاندنی وەزارەتی رۆشنبیری عێراقی بۆ سۆمەرییە نیوز رایگەیاندووە، ئەمڕۆ لەلایەن خانەوادەی (فازل خەلیل) شانۆكاری بەناوبانگ هەواڵی كۆچی دوایی ناوبراویان پێگەیشتووە.

بەپێی زانیارییەكان، ئەو شانۆكارە عێراقیە ماوەیەك لەمەوبەر نەشتەرگەری بۆ كرابوو، ئەمڕۆش بەهەمان نەخۆشی لەتەمەنی (71) ساڵیدا كۆچی دوایی كردووە.

ئەو شانۆكارە بەناوبانگە لەساڵی (1946) لەشاری ناسرییە لەدایك بووە، سەرەتا پیشەی سەرتاشی كردووە، دواتر چۆتە پەیمانگەی هونەرە جوانەكانی زانكۆی بەغداو بۆتە شانۆكار.

 

ئـ . كـ