مۆزیك ژەنێكی كورد ناوی لە یونیسكۆ تۆماركرا

شەممە, 11 تشرینی دووەم 2017 07:29

 

 

كەمانچەژەنی ناسراوی كورد، (كەیهان كەلهور) لەلایەن ڕێكخرای نێودەوڵەتی یۆنیسكۆوە تۆمار كرا.

ئەم تۆماركردنە فەرهەنگییەو كەمانچەی دەستی (كەیهان كەلهور) چووە ڕیزی ئەو ئامێرە مۆسیقاییە جیهانیانە كە بە بەشێك لە كلتورو میراتی فەرهەنگی مرۆڤ دەناسرێن و ڕێزی تایبەتیان لە جیهاندا هەیە.

هەر بەم بۆنەوە ئەكتەری ناسراوی كورد (نەوید موحەمەد زادە) لە ئێران كە تاكوو ئێستا بە دەیان خەڵاتی ناوەخۆیی و نێودەوڵەتی بواری فیلمی بردۆتەوە نووسیویەتی: پیرۆزبایی لە (كەیهان كەلهور) دەكەم كە كەمانچەكەی لە یۆنیسكۆ تۆماری جیهانی بووە، ئەمە شانازییە بۆ كورد.

شایانی باسە كە (كەیهان كەلهور) یەكێكە لە ناسراوترین مۆزیكسانە كوردەكان كە لە ئاستی جیهاندا ئیش دەكات و ساڵانە بە دەیان كۆنسێرتی ناوخۆیی و نێونەتەوەیی بەڕێوە دەبات.

 

ئـ . كـ