مەرەكەبی نهێنی دروست دەكرێت

دوو شەممە, 13 تشرینی دووەم 2017 06:56

 

 

توێژەرانی زانكۆی شەنگەهای چین پەرەیان داوە بە مەرەكەبێكی نهێنی كە لەژێر تیشكی سەروو وەنەوشەییدا بێڕەنگ دەمێنێتەوە تاتۆزێك خوێی پێدا نەكرێت دەرناكەوێت، بەڵام ئەو جۆرە مەرەكەبە ڕەنگە ژەهراوی بێت.

هەمیشە ئەو جۆرە مەرەكەبە نهێنیانە یان (مەرەكەبی هۆشمەند) لە زۆر بواردا بەكار دەهێنرێت، لەوانە نەهێشتنی ساختەكردنی پارەو نووسینی هەندێك زانیاری بۆ هەڵگرتن، پێویستە ئەو مەرەكەبانە نهێنی بن و تەنها بە تیشك یان گەرمی نووسینەكان دەربكەون.

لەتوێژینەوەیەكیشدا زاناكانی زانكۆی شەنگەهای چین توانیویانە مەرەكەبێكی نەبینراو دابهێنن كە نابینرێت تا تۆزێك خوێی پێدا نەكەیت، ئەو پێكهاتانەی ئەو مەرەكەبە نوێ نین، لەبەر ئەوەی كە قورقوشمی تێدایە كە ئەگەر بڕی زۆری تێدا بێت ژەهراوییە، بەڵام زاناكان هەوڵ دەدەن جێگرەوەیەكی سەلامەتتر بدۆزنەوە بكەن.

(لیانگ لی) سەرۆكی توێژینەوەكەو ئەندازیار لە زانكۆی شەنگەهای چین وتی، ئەو پێكهاتەیە كە بەشێكی زۆری قورقوشمی تێدایە نابینرێت، بەڵام كاتێك تۆزێك خوێی پێدا دەكرێت، قورقوشمەكە دەگۆردرێت بۆ بلوری نانۆیی و دادەگیرسێت و ئەو نوسینەی پێیدەنوسرێت وەك گلۆپێكی تیشكی سەروو وەنەوشەیی لەسەر كاغەزەكان دەردەكەوێت، هەر كە خوێیەكە لابرا، مەرەكەبەكە دیار نامێنێتەوە، دواجاریش تێكستە نوسراوەكە بە نهێنی دەمێنێتەوە.

پێشبینی دەكرێت ئەو تەكنیكە بە شێوەیەكی بەرفراوان بەكار نەهێنرێت، بەڵام دەكرێت هەنگاوێكی گرنگ بێت بەرەو پاراستنی ئاسایشی نامەو تێكستە گرنگەكان و پاراستنی تایبەمەندی دەزگاو شوێنە هەستیارەكان.

كوردستانی نوێ‌

 

 

ئـ . كـ