قەڵەوی هەڕەشە لە بەریتانییەكان دەكات

سێ شەممە, 14 تشرینی دووەم 2017 06:03

 

بەپێی ئەنجامی لێكۆڵینەوەیەك دەركەوتووە، هاوڵاتیانی بەریتانی لەسەر ئاستی ئەوروپا قەڵەوترینن، لەماوەی (20) ساڵی رابردووش ئەو ڕێژەیە دوو هێندە بۆتەوە.

ڕێكخراوی هاریكاری ئابوری و گەشەپێدان راپۆرتێكی لەبارەی ئاستی قەڵەوی بڵاوكردۆتەوەو تێیدا دەریخستووە، هاوڵاتیانی بەریتانی لەسەر ئاستی وڵاتانی خۆرئاوای ئەوروپا قەڵەوترین كەسەكانن و لەماوەی (20) ساڵی رابردووش ئەو ڕێژەیە دوو هێندە بۆتەوە.

بەپێی زانیارییەكانی نێو راپۆرتەكە ئێستا ڕێژەی (%63) ی گەنجانی بەریتانی بەدەست قەڵەوی دەناڵێنن، جگەرەو خواردنەوە كهولییەكانیش كاریگەری ئەو قەڵەویەیان زیاتر كردووە.
ڕێكخراوی ناوبراو پێشی وابووە كە قەڵەوی سەردەكێشێت بۆ نەخۆشییە درێژخایەنەكان، وەكو شەكرەو فشاری خوێن و بەرزی ئاستی كۆلیسترۆڵ و نەخۆشییەكانی دڵ.

هاوكات باسی ئەوەشكراوە، كە لەماوەكانی رابردوودا هەڵمەتێك لە بەریتانیا ئەنجامدراوە تاكو فرۆشتنی شیكۆلاتەی لە نەخۆشخانەكان قەدەغە كردو باجی زۆریشی خستە سەر خواردن و خواردنەوە شیرینەكان، ئەوەش بۆ ڕێگری كردن بوو لە بنەبڕكردنی قەڵەوی.

ڕێكخراوەكە باسی لەوەشكردووە، كە تاكو ئێستا هەریەكە لە وڵاتانی ئوسترالیاو كەنەدا توانیویانە سەركەوتووبن لە زاڵ بوون بەسەر قەڵەوی، بەڵام تاكو ئێستا ژاپۆن ڕێژەی قەڵەوی لە (%4) تێپەڕنەكردووە.

 

 

ئـ . كـ