تەلیسكۆپێكی گەورە رەوانەی بۆشایی ئاسمان دەكرێت

چوار شەممە, 06 کانونی یەکەم 2017 06:28

 

 

ئاژانسی ناسا خەریكی تێپەڕاندنی دوا قۆناغەكانی ئامادەكاری تەلیسكۆپی گەردوونی (جەیمز وێب) ە بۆ ئەوەی ڕەوانەی گەشتێكی چەند ملیۆن كیلۆمەتری لە خولگەی هەتاوی بكات.

بەپێی هەواڵێكی نیو ئەتڵەس، تەواوكردن و ئامادەكاری ئەو تەلیسكۆپە ئاڵۆزە نزیكەی دوو دەیەی خایاندووەو ئێستا دوای ئەنجامدانی چەندین تاقیكاری بە مەبەستی لێكدانەوەی هەلومەرجی ئەو تەلیسكۆپە لە سەرمای سەختدا لە سەروبەندی هاویشتنی بۆ گەردوون نزیك دەبێتەوە.

هاوشێوەسازی گەلێكی زۆر بۆ لێكدانەوەی هەلومەرجی ئەو تەلیسكۆپە لە سەرمای سەخڵەتدا ئەنجام دراوەو تەلیسكۆپی (جەیمز وێب) ئامادەیی بۆ زاڵ بوون بەسەر ئەو دۆخەدا ئامادەكردووە.

دوا قۆناغەكانی ئامادەكاری ئەو تەلیسكۆپە لە ماوەی (100) رۆژدا لە ناوەندی گەردوونی جانسۆنی ناسا لە هیوستۆن ئەنجام دراوەو بەسوود وەرگرتن لە ئەلگۆڕیتمێكی تایبەتی كارایی (18) ئاوێنەی سەرەكی كۆنتڕۆڵ كراوە، ناسا بۆ تاقیكردنەوەی ئەو تەلیسكۆپە بۆ ماوەی (30) رۆژ لە كەش و هەوایەكی زۆر ساردداو لە دۆخێكی بۆشدا ڕایگرتووە.

ئەركی سەرەكی ئەو تەلیسكۆپە ناسینی تیشكی بان سووری بڵاوبووە لە سەرچاوەی دیكەی لاوازو دووری نەناسراوەیە، ئەو تەلیسكۆپە توانای سەرمای (233) ی ژێر سفری سەدی هەیەو پاش دابەسترانی قەڵغانێكی تایبەتی لە بەرامبەر گەرمای هەتاویش توانای پێویستی هەیە.

ئامادەكاری ئەو تەلیسكۆپە هەتاوییە ڕەنگە ساڵێكی دیكە درێژە بخایێنێت و هاویشتنی بۆ گەردوون لە بەهاری ساڵی (2019) دا لە گۆیانی فەڕەنساوە ئەنجام دەدرێت.

 

ئـ . كـ