گۆڕستانی 3 هەزار ساڵ لەمەوبەر دۆزرایەوە، بزانە چی تێدا بووە ؟؟

شەممە, 16 کانونی یەکەم 2017 05:18

 

 

شوێنەوارناسان لە میسر چەند گۆڕێكیان دۆزیوەتەوە كە وەك دەركەوتووە تەنها منداڵ تێیدا ئەسپەردە كراوە.

گۆڕستانەكە لەنزیك شاری ئەسوان لە باشووری میسر دۆزراوەتەوە، تێیدا دەركەوتووە، كە گۆڕستانەكە تایبەت بووە بە ناشتنی منداڵان و چوار تەرمی تەواوی ئێسك و پروسكی منداڵیشیان دۆزیوەتەوە كە مێژووەكەیان بۆ (3000) ساڵ لەمەوبەر نیشانداوە.

سەرۆكی كەرتی شوێنەواری میسر (ئیمەن عیشماوی) رایگەیاندووە، گۆڕستانەكان لەلایەن تیمی شوێنەوارناسانی سویدی – میسری دۆزراونەتەوەو تاكو ئێستاش لێكۆڵینەوەیان لەسەر دەكرێت.

شوێنەوارناسەكان دەڵێن، گۆڕستانەكان لە بناری كێوێك لە شاری ئەسوان دۆزراونەتەوەو یەكێك لە ئێسك و پروسكەكان هی منداڵێكە تەمەنی لەنێوان (3 – 2) ساڵ دەبێت و مۆمیا كراوەو لەناو تابوتێكدا ئەسپەردەی خاك كراوە.

 

 

ئـ . كـ