ئافرەتێك بووە سەرۆكی ڕێكخراوی یونیسێف

یەک شەممە, 24 کانونی یەکەم 2017 06:03

 

 

ئافرەتێكی ئەمریكی كە ئەزموونی كاری لە كاروباری مرۆڤ دۆستانە هەیە، بووە سەرۆكی سندوقی منداڵانی ڕێكخراوی نەتەوە یەكگرتووەكان (یونیسێف).

ئاژانسی دەنگ و باسی فەرەنسا بڵاویكردۆتەوە، (هنریتا فۆر) كە چەندین ساڵ ئەزموونی چاڵاكی لە بواری گەشەو كاروباری مرۆڤ دۆستانەی هەیە وەكوو سەرۆكی ئاژانسی سندوقی منداڵانی ڕێكخراوی نەتەوە یەكگرتووەكان ناسراو بە یونیسێف، هەڵبژێردرا.

فۆری تەمەنی (69) ساڵە دەبێتە جێگری (ئانتۆنی لێك) كە لە ساڵی (2010) ەوە بەرپرسی بەڕێوەبەرایەتی ئەو سندوقە بووە، وتەبێژی ئەمینداری رێكخراوی نەتەوە یەكگرتووەكان لەم پێوەندیەدا وتی : فۆر لە چل ساڵ پێشەوە تاكو ئێستا لە بەشی خزمەتگوزاری گشتی ئەمریكاو هەروەها ڕێكخراوەكانی كەرتی تایبەتی ئەو وڵاتە چاڵاكی هەبووە.

ناوبراو یەكەم ئافرەتە كە سەرۆكایەتی ئاژانسی ئەمریكی گەشەی نێودەوڵەتی لە ئەستۆ بووەو بەرپرسی خزمەتگوزاری دەرەكی وەزارەتی دەرەوەی ئەو وڵاتە بووە.


ئەمینداری گشتی نەتەوە یەكگرتووەكان ئاماژە بەوەدا كە ئێستا یەك لە سەر چواری پۆستە باڵاكانی ئەو ڕێكخراوە لە دەستی ئافرەتاندایە لە هەوڵ بۆ بەكارهێنانی ئافرەتان لە پۆستەكانی لەم شێوەیەدا.

 

ئـ . كـ