ناسا : لە 2018 ئەم مەترسییە بەرۆكی مرۆڤایەتی دەگرێت

دوو شەممە, 01 کانونی دووەم 2018 08:38

 

 

 

ئاژانسی ناسای ئەمریكی هۆشداری داوە كە لە ساڵی نوێدا مەترسییەك بەرۆكی مرۆڤایەتی دەگرێت.

بەپێی نیشاندانی وێنەیەك، ئاژانسی ناسای ئەمریكی رایگەیاندووە: توانەوەی بەستەڵەكە گەورەكان لەبەستەڵەكی باشورو ناوچەی (ئەنتاركتیا) یەكێك دەبن لەمەترسیدارترین كێشەكان كە بەرۆكی مرۆڤایەتی دەگرن.

ئەو ئاژانسە راشیگەیاندووە، دوورگەی (بین) ی بەستەڵەكی باشوور كە بە (B44) یش ناسراوە لەمانگی ئەیلولی رابردوەوە رووبەرووی توانەوە بووە، بۆیە ئەوە مەترسییەكی گەورە لەسەر ژیانی مرۆڤ دروست دەكات.

زانایان باسیان لەوەكردووە، بەستەڵەكێك لە ناوچەی باشووری گۆی زەوی بەرزییەكەی (160) پێ‌ بووەو لە ژێر دەریاش (800) پێ‌ قوڵ بووە، بۆیە ئێستا بۆتە (20) پارچی بچووك و بچووك و تواوەتەوە.

لەلایەن خۆشیەوە (ئێریك رینۆت) شارەزای بواری كەسناسی لە زانكۆی كالیفۆرنیا رایگەیاندووە، رەنگە ئەم چەند ساڵە بۆ مرۆڤ زۆر دژوار بێت بەتایبەتی بۆ بەستەڵەكی باشوور، ئەوەش كاریگەری راستەوخۆی دەبێت لەسەر هەسارەكە بەشێوەیەكی گشتی.

ناوبراو راشیگەیاندووە، ئەو توانەوە خێرایە دەبێتە مایەی ژێر ئاوكەوتنی چەندین ناوچەی لە وڵاتان و رەش بوونەوەی ژمارەیەك وڵاتی بەدوادادێت.

 

ئـ . كـ