دەوڵەمەندترین كەسەكانی جیهان بناسە

پێنج شەممە, 11 کانونی دووەم 2018 07:00

 

 

(جێف بیزۆس) دامەزرێنەری كۆمپانیای (ئەمازۆن) و هاوكات كە بەڕێوەبەری جێبەجێكاری ئەو كۆمپانیایەیە، لەریزبەندی پێشەوەی دەوڵەمەندترین پیاوانی جیهانە.

بەگوێرەی ئاژانسی نێودەوڵەتی بلۆمبێرگ، تا سەرەتای ساڵی (2018) سەروەتی گشتی بیزۆس گەیشتۆتە زیاتر لە (105) ملیار دۆلار، جگە لە خاوەندارێتی بیزۆس بۆ ئاژانسی گەردوونی (بلو ئۆرجین) و (واشنتۆن پۆست) بۆ چاپ و بڵاوكردنەوە.

دوای بیزۆس، بێل گێتس، دامەزرێنەری كۆمپانیای مایكرۆسۆفت لە پلەی دووەمی دەوڵەمەندانی جیهاندایەو سەروەتەكەی دەگاتە (93.3) ملیار دۆلار، پلەی سێیەمیش بەر (وارن بافێت)، كەسێكی وەبەرهێنەر كەوتووەو سەروەتەكەی بە (87.2) ملیار دۆلار دەخەمڵێندرێت. دواتریش (مارك زۆكەربێرگ) دامەزرێنەری كۆمپانیای فەیسبووك بە خاوەندارێتی بۆ (77.5) ملیار دۆلار، پلەی چوارەمی بەركەوتووە. پێنجەم دەوڵەمەندی جیهانیش (ئەمانیسۆ ئۆرتیگا) ی سەرۆكی پێشووی ("Inditex") ەو سەروەتەكەی دەگاتە (76) ملیار دۆلار.

 

ئـ . كـ