ترامپ نیازی فرۆشتنی ناسای هەیە

دوو شەممە, 12 شوبات 2018 06:20

 

 

سەرۆكی ئەمریكا نیازی وایە ئاژانسی بۆشایی ئەمریكی ناسراو بە (ناسا) بفرۆشێت، ئەوەش دوای ئەوەی بە شێوەیەكی قۆناغ بەند، ئەو بودجەیەی بۆی تەرخان كراوە، لادەبرێت.

بەپێی هەواڵێكی رۆژنامەی (واشنتۆن پۆست)، (دۆناڵد ترامپ) سەرۆكی ئەمریكا نیازی وایە ئاژانسی بۆشایی ناسا بفرۆشێت و تاكو ساڵی (2024) یش بودجەكەی لەسەر ببڕێت.

رۆژنامەكە لەزاری گەورە بەرپرسێكی ئاژانسی ناساوە بڵاویكردۆتەوە، كە بەپێی ئەو بەڵگەنامانەی لایان دەستكەوتووە، بودجەی ئەو ئاژانسە لە سەرەتای ساڵانی شەست بریتی بووە لە (%1) ی كۆی بودجەی ئەمریكا، بەڵام لەساڵی (1966) بەرز بوویەوە بۆ (%4.41) ئەوەش بەهۆی بەرنامەی ئەپۆلۆ، بەڵام لەساڵی (2012) ەوە ڕێژەی بودجەی تەرخانكراو بۆ (%0.48) دابەزیوە.

 

 

ئـ . كـ