ئەمریكا چەكێك دروست دەكات، بەڵام بۆ شەڕ نییە

دوو شەممە, 12 شوبات 2018 06:39

 

 

بەمدواییە شارەزایانی بواری تەكنەلۆژیا لە ئەمریكا چەكێكیان بۆ كوژاندنەوەی ئاگر درووستكردووە كە هەر جۆرە بەربەستێك لە دیواری چیمەنتۆوە تا شوشەی دژە گولـلەش دەبڕێت و ئاگری پشت ئەم جۆرە بەربەستانە بەخێرایی دەكوژێنێتەوە.

ئەو چەكە ناوی (پایرۆلانس) ەو چەكێكی ئاوییە كە دەتوانێت لە ماوەی سێ چركەدا كونێكی سێ ملیمەتری بكاتە ناو دیواری پۆڵایین و چیمەنتۆو دیواری خشت و هەروەها شوشەی دژە گوللە، وە لە رێگەی ئەم كونەوە بەشێوەی سپڕای ئاوێكی زۆر بە فشار رەوانەی ئەوبەری كونەكە دەكات و بەخێرایی ئاگرەكە دادەمركێنێتەوە.

جیا لە هێزی دەریایی ئەمریكا، فڕۆكەخانەی هیوستن و كۆمپانیای ئۆتۆمبیلسازی رۆڵز رۆیسیش ئەم تەكنەلۆژیا نوێیەیان خستۆتە بەرنامەی كاری سیستەمی ئاگركوژێنەوەی خۆیان.

تێچووی هەر پاكێجێكی ئەم سیستەمە بریتیە لە (80 – 15) هەزار دۆلارو جیا لە هەموو تایبەتمەندییە باشەكانی دیكەی، بە هۆی ئەوەی كە سیستەمی (UHP) تێیدا بەكارهاتووەو ئەم سیستەمەش فشاری لەڕادەبەدەر دروستدەكات و ئاو بە فشاری زۆرەوە دەردەدات، هەر بۆیە ئاوەكە بە شێوەی سپرای دێتەدەرەوەو لە ئەنجامدا كەمترین ئاو خەسار دەبێت لەم پرۆسەیەدا.

 

 

ئـ . كـ