پێشانگایەك بۆ گوندنشینەكانی كوردستانی خۆرهەڵات دەكرێتەوە

سێ شەممە, 06 ئازار 2018 05:48

 

 

بەرپرسی گشتی كاروباری گوندەكان و ئەنجوومەنی ئیدارەی پارێزگای كوردستان رایگەیاند، سێیەمین پێشانگەی توانایی گوندنشینەكانی كوردستان بە مەبەستی شرۆڤەی ڕۆڵی سیاسەتەكانی ئابووری لە تاران دەكرێتەوە.

بەپێی هەواڵێكی ئاژانسی میهر، (كۆرش مورادی) لە ئیدارەی پارێزگای كوردستان رایگەیاند، ئەو پێشانگایە بە ئامانجی ناساندنەوەی ڕۆڵی گوند لە بەرهەمهێنانی نەتەوەیی و هەروەها ئاشنایی ئەو كەسانە كە سەردانی ئەوێ دەكەن لەگەڵ توانایی و بەستێنی ناوچە گوندەوارییەكان بەڕێوە دەچێت.

ناوبراو وتیشی: ناساندنەوەی بەستێنەكانی ناوچە گوندەوارییەكان لە بەرهەمهێنانی بەرهەمی جۆراوجۆر لە بوارەكانی پیشەی دەستی بچووك، پیشەی دەستییەكانی گوند و هەروەها ناساندنی شوێن و شتە فەرهەنگییەكان لەوانە دابونەریت، یارییە میللییەكان، ڕێوڕەسمە ئاینییەكان، جلوبەرگ، شوێنە سروشتی و گەشتیارییەكان، بەستێنی توانایی لاوان، دروست كردنی پێوەندی شارنشینان و گوندنشینان لە ئامانجەكانی بەڕێوە بردنی ئەو پێشانگایەیە.

بە وتەی ناوبراو بەرهەمی كشتوكاڵی و ئاژەڵداری، پیشەی دەستی، جلوبەرگی كوردی، دروست كراوە نەریتییەكان، دەرمانە گیاییەكانی كێوەكانی كوردستان، دروست كراوە بەردینییەكان لەو پێشانگایە دەفرۆشرێت.

 

ئـ . كـ