نەكاز بۆپێدانی پارەی پەچە سەردانی چەند وڵاتێك دەكات

چوار شەممە, 08 ئاب 2018 05:38

 

 

سەرمایەدارێكی فەرەنسی پابەندی خۆی دووپات كردۆتەوە بەبڕیارێكی پێشووتری، ئەویش پێدانی پارەی سزای پێبژاردنە بۆ ئەو ئافرەتانەی پەچە دەپۆشن و حكومەتیش سزایان دەدات.

(رەشید نەكاز) سەرمایەداری فەرەنسی و بەڕەچەڵەك جەزائیری بۆ رۆژنامەی (بێرلینجسكی) دانیماركی رایگەیاندووە، مانگی داهاتوو سەردانی دانیمارك دەكات و پارەی ئەو ئافرەتانە دەدات كە سزای پێبژاردنیان بەسەردا سەپێندراوە لەبەرامبەر پۆشینی پەچە لەشوێنە گشتییەكان.

ناوبراو باسیشی لەوەكردووە، ئەو لەگەڵ ئەوەی لەگەڵ پۆشینی پەچە نییە لەلایەن ئافرەتانەوە، بەڵام بەرگریشی لێدەكات، ئامادەپی خۆیشی دەربڕیوە تاكو بەرری لەو ئافرەتانەش بكات كە پەچە دەپۆشن و تووشی سزا بوونەتەوە لەهەردوو وڵاتی فەرەنساو دانیمارك.

رۆژی هەینی رابردوو لەسەنتەرێكی بازرگانی لەشارۆچكەی (هۆرشۆلم) ی باكووری كۆبنهاگن یەكەم ئافرەت ڕووبەڕووی سزای پێبژاردن بوویەوە لەسەر پۆشینی پەچەو بڕی (156) دۆلار سزا درا.

 

 

ئـ . كـ