دوو ئافرەتی موسڵمان دەچنە ئەنجوومەنی نوێنەرانی ئەمریكا

چوار شەممە, 07 تشرینی دووەم 2018 05:40

 

 

(ڕەشیدە تەڵیب) و (ئیلهان عومەر) دوو ئافرەتی موسڵمان بۆ یەكەم جار توانیان لەهەڵبژاردنەكانی ئەنجوومەنی نوێنەران سەركەوتن بەدەست بهێنن.

(رەشیدە تەڵیب) بە ڕەچەڵەك فەڵەستینیەو (ئیلهان عومەر) یش بەڕەچەڵەك سۆماڵییە، توانیان سەركەوتن لە هەڵبژاردنەكانی نیوەی خولی سەرۆكایەتی بەدەستبهێنن و بەوەش دەبنە یەكەم دوو ئافرەتی موسڵمان لە ئەنجوومەنی نوێنەرانی ئەمریكا.

(ڕەشیدە تەڵیب) لە بازنەی ویلایەتی میشیگان و (ئیلهان عومەر) لە ویلایەتی مینیۆسۆتا توانیان سەركەوتوو بن.

ڕەشیدەی تەمەن (42) ساڵ، لە دایكبووی شاری دیترۆیتی ویلایەتی میشیگانەو بە ڕەچەڵەك خەڵكی كەناری ڕۆژئاوای فەڵەستینیە، ساڵی (2009) بوو بە یەكەم ژنی موسڵمان لە ناو ئەنجوومەنی نوێنەرانی ویلایەتی میشیگان.

ڕەشیدە یەكێكە لە نێوان زیاتر لە (90) موسڵمان كە زۆربەیان دیموكراتن، خۆیان بۆ هەڵبژاردنەكانی نیوەی خولی سەرۆكایەتی ئەمساڵ كاندیدكردووە.

 

 

ئـ . كـ