پەیكەری ئەژدیهایەكی گەورە دۆزرایەوە

شەممە, 10 تشرینی دووەم 2018 06:32

 

 

زانایانی پەیمانگەی سمیتسۆنیان لە ئەمریكا پەیكەری جۆرە ئەژدیهایەكی دەرییان دۆزیوەتەوە، كە پێشتر لەكەنارەكانی كیشوەری ئەفریقیا ژیاون.

پێگەی ئەلیكترۆنی (ناشیۆنال بابلیك رادیۆ) بڵاویكردۆتەوە، ئەو ئەژدیها گەورانە خشۆك بوونەو ناویان (مۆساسۆرات) بووەو لەكەناری وڵاتی ئەنگۆلا لەسەر دەریای ئەتڵەسی ژیاون.
سەرچاوەكە باسی لەوەكردووە، كە وڵاتی ئەنگۆلا وڵاتێكی بەنێو بانگ نییە لەبواری دۆزینەوەكان، بەڵام لەبواری جیۆلۆجی پێویستی بە قسە لەسەر كردنە.

بەپێی زانیارییەكان، ئەو جۆرە ئەژدیهایانە لەئەنجامی گۆڕانكارییەك لەنێو دەریای ئەتڵەسی دەركەوتوون پێشی (135) ملیۆن ساڵ لەمەوبەر، بەڵام بەپێی بۆچوونی زاناكان (30) ملیۆن ساڵ لەمەوبەر جارێكی تر وون بوونەتەوە.

 

 

ئـ . كـ