شەمەندەفەرێك خۆی بە پردێكدا دەكێشێت

پێنج شەممە, 13 کانونی یەکەم 2018 06:33

 

بەیانی ئەمڕۆ لەشاری ئەنقەرە شەمەندەفەرێك بەخێراییەكی زۆر خۆی بە پردێكدا كێشاوەو لەئەنجامیشدا زیانێكی زۆری لێكەوتۆتەوە.

بەپێی هەواڵێكی ئاژانسی سكای نیوز، شەمەندەفەرەكە لەشاری ئەنقەرە رووەو شاری قۆنیا بەڕێوەبووەو بەخێراییەكی زۆر خۆی كێشاوە بە پردێك لەناوچەی (یەنیماهال) و بۆتە هۆی گیان لەدەستدانی چوار كەس و برینداربوونی (43) كەسی تر.

ئاژانسی (سی ئێن ئێن تورك) بڵاویكردۆتەوە، لەئەنجامی رووداوەكەدا دوو كەرەڤانەی شەمەندەفەرەكە وەرگەڕاون و ئەو ژمارەیە زۆرەی قوربانی لێكەوتۆتەوەو دواتریش تیمەكانی فریاگوزاری گەیشتوونەتە شوێنی ڕووداوەكە.

 

 

ئـ . كـ