فڕۆكەیەكی بێ‌ فڕۆكەوان بۆ كاری كشتوكاڵی دروستكرا

شەممە, 15 کانونی یەکەم 2018 06:09

 

 

كۆمپانیایەكی ڕووسی ئاشكرای كردووە، فڕۆكەیەكی بێ فڕۆكەوانی بەرهەمهێناوە كە یەك ماتۆری تێكەڵی گازوائیلی و كارەبایی هەیەو وێڕای هەبوونی هێزی مانۆڕی زۆر دەتوانێت (220) كیلۆگرام بار بگوازێتەوە.

ماڵپەری نیوئەتڵەس بڵاویكردۆتەوە، ئەو فڕۆكە دەتوانێت تاكو هەشت كاتژمێر لە ئاسماندا بڕوات، ئەو فڕۆكە كە ناوی (سكای درۆن) ەو لەم دواییانەدا بە سەركەوتنەوە لە ناوچەی تاتارستانی ڕووسیا تاقی كراوەتەوە.

سوود وەرگرتن لە ماتۆڕی تێكەڵاوی بۆ ئەو فڕۆكە بۆتە هۆی ئەوەی كە هەم كاتی فڕینەكەی زیاد ببێتەوەو هەم هێزی مانۆڕی هەبێت، هەروەها ماتۆڕی (220) ئەسپی هەڵمی گازوائیلی ئەو فڕۆكە بۆتە هۆی ئەوەی كە توانای گواستنەوەی باری بەرز ببێتەوە.

بەپێی پلانڕێژییەكان ئەو فڕۆكە لە ساڵی داهاتووەوە بۆ زەوییە كشتوكاڵییەكان سوودی لێ وەردەگیردرێت، بەرهەم هێنانی (100) فڕۆكە لەو جۆرە بۆ ساڵی (2020) پلان ڕێژی كراوە.

 

 

ئـ . كـ