بینەری تەلەفزیۆن دادەبەزێت

شەممە, 15 کانونی یەکەم 2018 08:30

 

 

بەپێی راپرسییەكان، ڕێژەی سەیركردنی تەلەفزیۆن لەلایەن چینی گەنجان بەشێوەیەكی بەرچاو دابەزینی تۆمار كردووە، ئەوەش بەهۆی بەربڵاوی تۆڕە كۆمەڵایەتییەكان و یارییە ئەلیكترۆنییەكان.

ساڵی رابردوو بە ساڵێكی یەكلایی كەرەوە داندرا، كاتێك لە ئەمریكا تێچووی هێڵی ئینتەرنێت لە تێچووی كەناڵە تەلەفزیۆنەكان بەرزتر بوویەوە.

مۆنتەدای ئابووری جیهانی بڵاویكردۆتەوە، گەنجان بەشێوەیەكی بەرچاو وازیان لەسەیركردنی كەناڵەكانی تەلەفزیۆن هێناوە، ئەوەش بەهۆی سەرقاڵیان بەتۆڕە كۆمەڵایەتییەكان و یارییە ئەلیكترۆنییەكان، بۆیە لە ئێستا ئینتەرنێت بینەری زۆر زیاتر بووە لە كەناڵەكانی تەلەفزیۆن.

كۆمپانیای (نێڵسن) بڵاویكردۆتەوە، ڕێژەی بینینی تەلەفزیۆن لەسەرتاسەری ئەمریكا بۆ تەمەنەكانی نێوان (18 – 24) ساڵی لەماوەی (24) كاتژمێرێكدا (1:49) بووە، ئەمە لەكاتێكدا ساڵی (2016) ئەو كاتە زیاتر بووە، بەڵام بۆ تەمەنەكانی (50 – 64) ساڵی ڕێژەكە وەكو خۆیەتی و بەبەرزی ماوەتەوە.

 

 

ئـ . كـ