پیشەی بەیتاری لە كوردەواری

16/01/2019 - 10:08 بڵاوکراوەتەوە لە هەواڵ/هەمەڕەنگ

 

 

كوردەواری خۆمان هەر لەدێر زەمانەوە بە شێوەی خۆڕسك و بەبێ خوێندن حەكیم و تەبیب و كەسانی شارەزاو پسپۆڕی لێهاتووی هەبوو كە چارەسەری جۆرەها دەردو نەخۆشی سەخت و دژواریان دەكرد، كە یەكێك لەو پسپۆرانەش بۆ پێویستیەكانی ئێسك و شكان و جومگەی مرۆڤ بوو كە پێیان دەگووت (بەیتار) و كارو پیشەی (بەیتاری) ئەگەرچی ئێستا ئەو پیشەیە بە شێوەیەكی زانستی پزیشكی چارەسەر دەكرێ، بەڵام لە هەمان كاتیش تاك و تەرا لێرەو لەوێ كاری بەیتاری هەر ماوەو كەسانێك هەن لە حاڵەتی شكانی ئێسك و لەجێی چووندا ئێستاش هاموشۆیان دەكەن و چارەسەری پێویست وەردەگرن، من منداڵ بووم بەبیرم دێ هەر كەسێ دەستی بشكایە یان لە جێ چووبایە دەیانگوت بیبەنە لای (قادر حەمباڵ) كە بەیتارێكی بەناوبانگی ئەو كات بوو ئێستاش كە خۆی لە ژیان نەماوە، بەڵام دەنگ و سەدای هەرماوە هەر وەك لێی دەگێڕنەوە بەڕاستی ئەزموونێكی بەرزی لەو پیشەیە هەبوو، بۆیە لە هەموو لایەكەوە خەڵكی ڕوویان تێدەكرد، ئێستاش لە گوندی (گۆمەگڕوو) ی دەشتی قوشتەپە بەیتارێكی گەنج هەیە بەناوی (فەرهاد) كاری بەیتاری دەكات و تا ئێستا چارەسەری زۆرێك لە حاڵەتی ئێسك و شكان و لە جێ چوونی كردووە، جا بەرامبەر بەو كارە هەندێك بۆ خێری خۆیان هیچیان وەرنەدەگرت و هەندێكی دیكەش هەبوون شتێكیان وەك پارە وەردەگرت، دەبێ ئەوەش بڵێین جگە لەو دوو بەیتارە پسپۆڕە هی دیكەش هەبوون كە بەوپەڕی لێزانیەوە پەرەیان بەو كارە مرۆییە دەداو خەڵكیش سوودی زۆری لێوەردەگرتن.

(موحەمەد سەعید كوردە – رۆژنامەی هەولێر)

 

 

ئـ . كـ