بەردە گەوهەرێكی زۆر كۆن دۆزرایەوە

15/05/2019 - 09:30 بڵاوکراوەتەوە لە هەواڵ/هەمەڕەنگ

 

 

لەوڵاتی میانمار بەردە گەوهەرێكی تەمەن (99) ملیۆن ساڵە دۆزراوەتەوە كە جگە لە هەزار پێ، قۆلانچەو مێش، ئاموونیتیشی تێدایە.

ناشناڵ جیۆگرافیك بڵاویكردۆتەوە، (99) ملیۆن ساڵ پێش لە ناوچەیەك لە میانماری ئەمڕۆ، ڕێژەیەك شیرەی دار كەوتە سەر كەنارەكانی دەریا، ئاكامی ئەو گۆڕانكارییە پروسكی بەردە گەوهەرێكە كە ژیانی سەردەمی كرتاسەمان پێ نیشان دەدات دروست بووە.

گروپێك لە لێكۆڵەرانی چینی بە رێبەرایەتی (تینگ تینگ یو) ئەو پروسكە كارۆباییەی دۆزیوەتەوە كە لە رووداوێكی هەڵكەوتەدا ئاموونیتێكی تێدایە كە یەكەم نموونەی ناسراوی ئەو جۆرە بوونەوەرەیە.

ئاموونیت بوونەوەرێكی دەریایی كۆنەو لێكۆڵەران لە دۆزینەوەی لەناو ئەو بەردە گەوهەرە سەریان سووڕماوە.