داعش نزیكی تەدمور دەبێتەوە

11/05/2016 - 09:03 بڵاوکراوەتەوە لە هەواڵ/گشتی

 

 

دوای چەند هەفتەیەك لەكۆنترۆڵ كردنەوەی شاری تەدموری شوێنەواری، گروپە چەكدارەكانی داعش جارێكی تر نزیك بوونەتەوە لەدەستگرتن بەسەر ئەو شارەدا.
ئاژانسی سكای نیوز بڵاویكردۆتەوە، ئێوارەی دوێنێ‌ گروپە چەكدارەكانی داعش دژە هێرشێكیان كردۆتە سەر هێزەكانی ڕژێمەكەی ئەسەدو توانیویانە دەستبگرن بەسەر ڕێگەی سەرەكی نێوان هەردوو شاری حەمس و تەدمور، ئەوەش دوای ئەوەی چەند هەفتەیەك لەمەوبەر لەژێر چنگیان دەرهێنابوون.
ناوەندی سوری بۆ مافەكانی مرۆڤ رایگەیاندووە، ئێستا گروپە چەكدارەكانی داعش تەنها (10) كیلۆمەتر لەشاری شوێنەواری تەدمور دوورن و شادەماری نێوان هەردوو شاری حەمس و تەدموریشیان لەژێر دەستە.
بەپێی زانیاری سەرچاوەكان، ئێستا شەڕێكی سەخت لەنێوان چەكدارەكانی داعش و هێزەكانی ڕژێمەكەی ئەسەد لەهەموو میحوەرەكانی شاری تەدمور دەستی پێكردۆتەوە.

 

ئـ . كـ