دوای كوژرانی 200چەكداری میلیشیای شیعە، ئێران ڕەوانەكردنی چەكدار بۆ سوریاو عێراق ڕادەگرێت

16/05/2016 - 13:59 بڵاوکراوەتەوە لە هەواڵ/گشتی

بەهۆی كوژرانی ژمارەیەكی زۆر لە چەكدارانی ئێرانی ، تاران بڕیاری ڕەوانە كردنی چەكدار بۆ سوریاو عێراق دەدات و ڕەخنەش ڕوبەروی قاسم سلێمانی دەبێتەوە.
ماڵپەڕی سكا نیوزی عەرەبی لەزاری بەرپرسێكی سەربازی ئێران بەناوی كازمییەوە سەربە هێزەكانی بەسیجی ئەو وڵاتە بڵاو یكردوەتەوە " پرۆسەی ڕەوانە كردنی هێزی چەكدار لە پارێزگای مازندەرانەوە بۆ سوریاو عێراق ڕاگیراوە و ئەوەش بەهۆی كوژرانی ژمارەیەكی زۆر لە چەكدارانی ئێران لە شەری خان تومانی سەربەپارێزگای حەلەب ."
ماڵپەرەكە ئەو وتانەی ئەو بەرپرسەی ئێرانی لەكاتی ڕێو رەسمی بەخاكسپاردنی 13 كوژراوی سەربە سوپای پاسداران ڕاگەیاندوە لە پارێزگای مازندەران كە ژمارەیەك بەرپرسی تر بەشداری ئەو مەراسیمە بوو"
سەرچاوەیەكیش بەماڵپەركەی ڕاگەیاندوە" بەهۆی كوژرانی ئەو ژمارە زۆرەی ڕاوێژكارو سەربازانی ئێران لە شەڕەكانی سوریاو عێراقدا لە ئێستادا ڕەخنەیەكی زۆر لە قاسم سلێمانی فەرماندەی سوپای قودسی سەربە سوپای پاسدارانی ئێران دەگیرێت و دوای ڕونكردنەوەی لێدەگیرێت."
جێگەی ئاماژەیە لەشەڕی خان تومانی پارێزگای حەلەبدا كەماوەیەك پێش ئێستا ڕویدا زیاترلە200چەكداری سەربە میلیشیا شیعەكانی ئێران كوژراون كە 30 لەو چەكدارانە سەربە لیوای 65ی سوپای پاسدارن بوون و 12ی تریشیان سەربەحیزبوڵای لوبنانی و 50 چەكداری تریشیان سەربە كەتیبەكانی "أبو الفضلالعباس" و"فاطمیون" ئەوانی تریش سەربە میلیشیا شیعەكانی عێراق و ئەفغانستان و وڵاتانی تر بوون.

أ.س