توركیا...لەكاتی سەوزە فرۆشتندا زانی براكەی كراوەتە وەزیر

26/05/2016 - 11:05 بڵاوکراوەتەوە لە هەواڵ/گشتی


مۆرڤت چولاك ژنە كاسبكارێكی توركی لەكاتی فرۆشتنی سەوزە و میوەدا لە ناوبازاڕ هەواڵی بوونی برا بچوكەكەی بە وەزیر دەبیستێت لە كابینەی 65 هەمین حكومەتی نوێی توركیا.


ئەو هاوڵاتیە توركیە كە تەمەنی 63 ساڵە و ڕۆژانەی سەوزەی ناو باخەكەی خۆی دەهێنێتە بازاڕ و دەیفرۆشێت، ڕایدەگەیەنێت لە ناوبازاڕدا بیستویەتی فاروق ئۆزلۆی برا بچوكی بە وەزیری زانست و تەكنۆلۆجیا دیاری كراوە.


وتیشی: هەواڵەكە بەشێوەیەكی لەناكاو منی سەرسام و دڵخۆش كرد چونكە دەزانم براكەم ڕاستگۆ و بەتوانایە و شایەنی ئەو پلە و پۆستەیە.


دەشلێت" پێش مردنی باوكی بە براكەی وتووە تۆ لەگەڵ دەوڵەت كار دەكەیت و دڵسۆزی و ڕاستگۆ بونت دەتگەیەنێتە ئامانج".

 

am