سویسریەكان ریفراندۆمەكەیان رەتكردەوە

05/06/2016 - 17:58 بڵاوکراوەتەوە لە هەواڵ/گشتی

شاری لۆزان
فۆتۆ : محمد عمر كانی

دوای ئەوەی ریفراندۆم بۆ بڕینەوەی مووچە بۆ سەرجەم تاكەكانی سویسرا بەرێوەچوو ، بە زۆرینەی دەنگ هاوڵاتیانی ئەو وڵاتە پرۆژەكەیان رەتكردەوە .

ئەمرۆ ریفراندۆم لە سویسرا بەرێوەچوو بۆ مەبەستی پێدانی مووچە بە هەر تاكێكی ئەو وڵاتە، بەڵام بەپێی ئەنجامە سەرەتاییەكان ئەوە ئاشكراكراوە كە سویسریەكان بەنەخێر زیاتر دەنگیان داوە .

ریفراندۆمەكەی سویسرا لەسەر بڕیاری بەڵی یان نەخێری هاوڵاتیان بوو بۆ بڕینەوەی مووچە بۆ سەرجەم تاكەكانی سویسرا، بەڵام بەپێی هەنگاوە سەرەتاییەكانی دەركەوتنی دەنگەكان دەركەوتوە هاوڵاتیان پرۆژەكەیان رەتكردۆتەوە .

لەبارەی هاوڵاتیانی بیانیشیەوە تەنها ئەوانە بۆیان هەبوو دەنگ بدەن كە زیاتر لە پێنج ساڵە لەو وڵاتەن .

جێی باسە پێشنیاری 2500 دۆلار تا 3000 دۆلار وەك مووچەیەكی مانگانە بۆ سەرجەم تاكەكانی سویسرا خرابووە روو بۆ هەرگەنجێك و هەروەها بڕی 650 دۆلاریش بۆ منداڵان .


م. كانی