نرخی نەوت 52 دۆلاری تێپەڕاند

08/06/2016 - 12:07 بڵاوکراوەتەوە لە هەواڵ/گشتی


نرخی نەوت لە بازاڕەكانی جیهاندا ژمارەیەكی پێوانەیی تۆماركرد لە ماوەی هەشت مانگی ڕابردوودا و گەشتە بەرزترین ئاستی و پرسیاری جدی لەسەر سیستمی پاشەكەوتكردنی موچە لە هەرێمدا دروست دەبێت.

ئەمڕۆ چوار شەممە نرخی نەوتی خاوی برنت لە بازاڕەكانی جیهاندا بەرزبونەوەیەكی بەرچاوی تۆماركرد و بۆ هەر بەرمیلێك گەشتە 52.16 دۆلار .


بەرزبونەوەی نرخی نەوت بەكاریگەری جێگیربوونی بازاڕ بووە و هەروەها داتاكانی نەوتی كۆگاكراوی ئەمریكا دابەزینێكی بەرچاوی تۆمار كردووە.


لەگەڵ هەر بەرزبونەوەیەكی نرخی نەوتدا پرسیاری جدی لای هاوڵاتیانی هەرێمی كوردستان دروست دەبێت لەسەر چارەنوسی سیستمی پاشەكەوتكردنی موچە كە ئەوكاتەی حكومەت بڕیارەكەی داوە نرخی نەوت 26 دۆلار بووە و ئێستا دوای دوو هێندەبوونی سیستمی پاشكەوت وەك خۆیەتی و حكومەت بە چارەگكە موچەش ناتوانێت لەكاتی خۆیدا موچە بدات.

 

am