دواین زانیاری لەبارەی ئاژاوەگێرییەكەی ئەمرۆ فەرەنسا بزانە

12/06/2016 - 14:30 بڵاوکراوەتەوە لە هەواڵ/گشتی

 

لەدوای یاری نێوان هەردوو هەڵبژاردەی رووسیا و ئینگللتەرا كە لەیارییەكانی قۆناغی یەكەمی پاڵەوانیەتی جامی نەتەوەكانی فەرەنسا رووبەرووی یەكتربوونەوە ئاژاوەگێرییەكان لەنێوان هاندەرانی هەردوو هەڵبژاردە دەستی پێكرد".

بەپێی زانیاری دەزگا ئەمنییەكانی ووڵاتی فەرەنسا سەرەتای ئاژاوەگێرییەكان لەنێوان دوو گرووپ بوو ، گرووپی یەكەم (300) هاندەری رووسی و گرووپی دووەم (200) هاندەری ئینگلیزبوون".

ئەم شەڕ و ئاژاوەیە لە درەنگانی شەو تا پێش نیوەرۆی ئەمرۆ بەردەوامی هەبوو ، بەمهۆیەوە زیاتر لە (31) كەس برینداربوون ، باری تەندروستی یەكێك لە هاندەرانی ئینگلیز زۆر خراپە و لەژێر چاودێری چڕدایە".

برنار كازنوف وەزیری ناوخۆی حكومەتی فەرەنسا لە لێدوانێكیدا ووتی : " ئەم هەڵسوكەوتەی جەماوەری هەردوو هەڵبژاردە نا بەرپرسیارانەیە و بە مەبەست ئەنجامدراوە".

ئەو دەڵێت : " ئێمە لەپلانی ئەمنی بڕیارمانداوە لەیارییە بەهێزەكانی هاوشێوەی (ئینگلتەرا و رووسیا) حاڵەتی ئەمنی زیاتر پتەو بكەین و پیاوانی ئاسایشی زیاتر رەوانەی شوێنەكە بكەین".

لەلایەن خۆشییەوە ڤیتالی موتكو وەزیری وەرزشی حكومەتی فەرەنسا ووتی : " ئەو هاندەرە رووسییانەی كە دەستپێشخەربوون لە تێكدانی ئەمنی شارەكە و یاساكانیان پێشێل كردووە سزا دەدرێن".


 

رێكان عزیز