داعش كردەكەی ئەمریكای خستە ئەستۆی خۆی

13/06/2016 - 10:41 بڵاوکراوەتەوە لە هەواڵ/گشتی

 

 

 

دەزگای هەواڵگری ئەمریكی وێنەی هێرش بەرەكەی شاری ئۆرلاندۆی وویلایەتی فلۆریدای بڵاوكردەوەو گروپە چەكدارەكانی داعشیش بەرپرسیارێتی خۆی لەو پەلامارە راگەیاند.
ئەو هێرش بەرە ناوی (عومەر سدیقی مەتین) ەو تەمەنی (29) ساڵەو هاوڵاتییەكی ئەمریكی بەڕەچەڵەك ئەفغانییەو دوێنێ‌ بەشێوەیەكی بەرنامە بۆ داندراوە هێرشی كردە سەر یانەیەكی شەوانەو لەئەنجامیشدا (53) كەسی كوشت و (50) ی تریشی بریندار كرد.
دوای رووداوەكەش گروپە چەكدارەكانی داعش بەرپرسیارێتی خۆیان لەهێرشەكە راگەیاندو لەتۆڕە كۆمەڵایەتییەكانی تایبەت بەخۆیان وێنەیەكی ئەو هێرش بەرەیان بڵاوكردەوە.
پۆلیسی شاری ئۆرلاندۆ رایگەیاند، ئەو چەكدارە دوو چەكی پێبووەو ئامێرێكیشی لابووە، بەڵام زانیاری زیاتریان ئاشمكرا نەكردووە، تەنانەت تاكو ئێستا روون نەكراوەتەوە، ئەو كەسە خۆی كوشتووە یان لەلایەن پۆلیسەوە كوژراوە.

 

ئـ . كـ