لەخۆرئاوا شەڕ لە دەروازەی مەنبەج نزیك دەبێتەوە

14/06/2016 - 08:39 بڵاوکراوەتەوە لە هەواڵ/گشتی

 

 

 

دوای نزیكەی دوو هەفتە لەشەڕی شاری مەنبەج لەدژی گروپە چەكدارەكانی داعش، ئێستا شارەكە گەمارۆدراوەو هێزەكان كیلۆمەترێك لەشارەكە دوورن.
شاری مەنبەج لەسنووری پارێزگای حەلەبەو ئێستا هێزەكانی سوریای دیموكرات و ئەنجوومەنی لەشكری مەنبەج گەمارۆی شارەكەیانداوەو بەپـێی پێشبینی ئەوان بێت لە ئێسـتادا تەنیا یەك كیلۆمەتر لە شارەكەوە دوورن.
لەبەشی خۆرئاوای مەنبەجیش هێزەكانی سوریا دیموكرات و ئەنجوومەنی لەشكری مەنبەج گەیشتوونەتە گوندی ئەلعەریمە كە (10) كیلۆمەتر لە شارەكەوە دوورن، بەمەش نزیكەی (17) كیلۆمەتر لە شاری ئەلبابەوە دورن.
لەلایەن خۆشیانەوە گروپە چەكدارەكانی داعشیش هەوڵ دەدەن بەرپەرچی هێرشەكان بدەنەوەو لە ئەنجامیشدا شەڕی قورس هەڵگیرساوە.
ناوەندی ڕاگەیاندنی ئۆپـەراسیۆنەكە دەڵێت، لەم شەڕانە دوایی نزیكەی (70) چەكداری داعش كوژراون و پێنج شەڕەڤانی هێزەكانی مەنبەج گیانیان لەدەسـتداوە.
جێگەی ئاماژەیە هێزی ئاسمانی هاوپەیمانانی بە ڕێبەرایەتی ئەمریكا پاڵپشـتی تەواوی هێزەكانی سوریای دیموكرات دەكەن و هەروەها ئەمریكا سەربازی تایبەتی خۆی بۆ یارمەتیدانیان ناردووە.

 

ئـ . كـ