لافا بۆتە هۆی داخستنی رێگاوبانی 50 ویلایەت لە ئەمریكا

22/08/2016 - 14:30 بڵاوکراوەتەوە لە هەواڵ/گشتی

 

بەهۆی لافاوەكەی ویلایەتی لویزیانای ئەمریكاوە، ژمارەیەكی زۆر هاوڵاتی گیانیان لەدەستداوە و هەزاران خانوو روخاون و زیانی زۆریان بەركەوتووە.

لەبارەی ئەو كارەساتەوە (میك ستیل) وتەبێژی نوسینگەی ئامادەكاری بۆ دۆخی لەناكاو و ئاسایشی ناوخۆی لویزیانا لە روونكردنەوەیەكدا رایگەیاندوە: بەهۆی لافاوەكەوە 60 هەزار و 642 خانوو بە تەواوی روخاون و زیانی زۆریان بەركەوتوە، هەروەها 13 كەس گیانیان لەدەستداوە.
ستیل باسی لەوەشكرد كە پاش كارەساتەكە 102 هەزار كەس ناوی خۆیان تۆمار كردووە بۆ وەرگرتنی هاوكاری فیدراڵی، لەگەڵ ئەوەشدا هێشتا سێ هەزار كەس لە كەمپەكاندا ژیان بەسەردەبەن.
ستیل ئاماژەی بەوەشكرد، كە رۆژانی (11-13)ی ئەم مانگە، بەهۆی باران بارینی بەردەوامەوە رێگاوبانی 50 ویلایەت هێشتا داخراون، ژمارەیەكی زۆریش لە خەڵكی ماڵ و حاڵی خۆیان جێهێشتوە.
شایەنی باسە ئەو كارەساتە پاش كارەساتەكەی تۆفانی ساندیی ساڵی 2012 بە گەورەترین كارەساتی سروشتی دادەنرێت، بەهۆیەوە ژمارەیەكی زۆر لە خانوو كەوتونەتە ژێر ئاوەوە و هەزاران كەسیش دەربەدەر بوون.

ش.م