دووسەربازی توركیا دەكوژرێن

دوو شەممە, 20 ئازار 2017 06:29


لە چوارچێوەی ئۆپەراسیۆنەكانی سوپای توركیا لە دژی گەریلاكانی پەكەكە لە شارۆچكەی لیجەی سەربە پارێزگای دیاربەكر دوو سەربازی سوپای توركیا دەكوژرێن.


ئاژانسی ئەنادۆڵ بڵاویكردوەتەوە "لەچوارچێوەی ئۆپەراسیۆنی ھێزە ئەمنیەكانی توركیا لە دژی گەریلاكانی پەكەكە كە لە ٥ی ئادارەوە لە باكووری شارۆچكەكەكانی لیجە، كوڵپ و هانی و هەروەھا ناوچە شاخاوییەكانی سنووری پارێزگای بینگۆل، دەستی پێكردووە، تا ئێستاشدا بەردەوامە"


ئاژانسی ئەنادۆڵ ئەوەشی بڵاوكردوەتەوە"لەمیانی بەڕیوەچوونی ئۆپەراسیۆنەكەدا شەڕ و پێكدادان روویدا و لەئاكامدا دوو سەربازی سوپای توركیا برینداربوون، دوای گواستنەوەیان بۆ نەخۆشخانەی گشتی سەڵاحەدینی ئەیوبی لە دیاربەكر، هەردوو سەربازەكە گیانیان لەدەستداوە."


ئاژانسەكە ئەوەشی بڵاوكردوەتەوە "لەو شەرو پێكدادنەدا شەش گەریلای پەكەكەش كوژراون"

أ.س