بەریتانیا كەشتییەكی جەنگی رەوانەی كەنداو دەكات

12/07/2019 - 16:48 بڵاوکراوەتەوە لە هەواڵ/گشتی

 

 

دوابەدوای توندبوونەوەی گرژییەكان لە ناوچەی كەنداوو ئاڵۆزییەكانی نێوان ئێران و ئەمریكا، هەروەها هەوڵدانی سوپای پاسداران بۆ ڕفاندنی كەشتییەكی بەریتانی، وڵاتی بەریتانیا كەشتییەكی جەنگی دیكە ڕەوانەی كەنداو دەكات. 

ئاژانسی ڕویتەرز بە پشتبەستن بە كاربەدەستانی بەریتانیا، ڕایگەیاندووە: كە هێزی دەریاوانی وڵاتەكەیان كەشتییەكی جەنگی بەناوی (دانكن) ی ناردۆتە ناوچەی كەنداو.

ڕۆیتەرز لە زاری كاربەدەستێكی بەریتانیەوە دەڵێت: ڕەوانەكردنی ئەو كەشتییە جەنگییە وەك بەشێك لە هەبوونی هێزەكانی بەریتانیا لە ناوچەكە پێشتر بەرنامەی بۆ داڕێژرابوو، بەڵام لەگەڵ توندبوونەوەی گرژییەكان لە ناوچەكە بەرنامەی ناردنی ئەو كەشتییە پێشكەوتووە. 

وتەبێژی دەوڵەتی بەریتانیاش وتوویەتی: بەریتانیا هاوشانی هاوبەشە نێودەوڵەتییەكانی بەردەوام دەبێت لە پاراستنی ئازادی دەریاوانی و هاتن و چوونی كەشتییەكان لە كەنداو.