لە شەش مانگدا 144 كۆچبەر گیانیان لەدەستداوە

24/07/2019 - 10:46 بڵاوکراوەتەوە لە هەواڵ/گشتی


لە شەش مانگ و نیوی یەكەمی ئەمساڵدا ١٤٤ كۆچبەری نایاسایی لە ئەنجامی رووداوەكانی هاتوچۆ و رەقبوونەوە و خنكان لە ئاودا، گیانیان لەدەستداوە.


ئاژانسی فەرمی توركیا بڵاویكردەوە كۆچی كۆچبەرە نایاساییەكان بە ئومێدی ژیانێكی باشتر، هەندێك جار بە مەرگ كۆتایی دێت و لە شەش مانگ و نیوی یەكەمی ئەمساڵدا ١٤٤ كۆچبەری نایاسایی لە ئەنجامی رووداوەكانی هاتوچۆ، رەقبوونەوە و خنكان لە ئاودا، گیانیان لەدەستداوە.


هەروەها ئەوەشی خستەڕوو: لەو چوارچێوەیەشدا ٢٨ كۆچبەری نایاسایی كە بەنیازبوون بپەڕنەوە بۆ ئەورووپا لە دەریادا خنكاون و لە هەمان ماوەدا ٦٤ كۆچبەری نایاسایی لە رووداوەكانی هاتوچۆدا گیانیان لەدەستداوە.


ئاماژەی بەوەشكرد: لەو ڕێژەیە ٣٩ كۆچبەری نایاسایی لە وان كە هاتبوونە ناو توركیا لە ئێرانەوە و ١٣ كۆچبەری دیكە لە ئەدیرنە كە دەیانویست بەرەو یۆنان بڕۆن، رەقبوونەتەوە.