ژاپۆن... بەهۆی گەرماوە 57 كەس گیانیان لەدەستدا

08/08/2019 - 11:26 بڵاوکراوەتەوە لە هەواڵ/گشتی

 

شەپۆلێكی گەرما وڵاتی ژاپۆنی گرتەوە كە ماوەی 60 ساڵە ئەو وڵاتە گەرمای لەو جۆرەی نەبینیوەو بەهۆیەوە 57 كەس گیانیان لەدەستداو هەزاران كەسیش ڕەوانەی نەخۆشخانەكان كراون.


بەگوێرەی هەواڵی بەشێك لە میدیاكانی ژاپۆن، شەپۆلێكی گەرما ئەو وڵاتەی گرتۆتەوە كە لە مانگی ڕابردوودا پلەكانی گەرما گەیشتونەتە 40 پلەی سەدی و لە ماوەی 60 ساڵی ڕابردوودا لەو وڵاتەدا پلەی گەرما بەو جۆرە تۆمار نەكراوە.


بەهۆی ئەو شەپۆلە گەرماوە تەنها لە ماوەی یەك هەفتەدا 57 كەس گیانیان لە دەستداوەو نزیكەی 20 هەزار كەسیش گەیەندراونەتە نەخۆشخانەكان.