یەكەم ئافرەتی خاوەنی خەڵاتی نۆبڵی ئەدەبی كۆچی دوایی كرد

12/08/2019 - 09:10 بڵاوکراوەتەوە لە هەواڵ/گشتی

(تۆنی‌ مۆریسۆن) خاوەنی‌ رۆمانی‌ شینترین چاو كە یەكەم خاتوونی‌ رەشپێستە خەڵاتی‌ نۆبڵی‌ بواری‌ ئەدەبی‌ بەدەست هێنابێت، لە تەمەنی‌ 88 ساڵیدا كۆچی‌ دوایی كرد.
كەس ‌و كاری‌ خاتوو تۆنی‌ لە بەیاننامەیەكدا سەبارەت بە كۆچی‌ دوایی ناوبراو رایانگەیاند، ئەگەرچی‌ لەدەستدانی‌ تۆنی‌ ئازارێكی‌ قورسە، بەڵام دڵیان بەوە خۆشە كە بەشی‌ خۆی‌ ژیاوە‌و ژیانێكی‌ جوانیشی‌ هەبوو، لە هەموویشی‌ گرنگتر ئەوەیە لە كۆتایی تەمەنیدا ماوەیەكی‌ زۆر بە نەخۆشییەوە نەمایەوە.
تۆنی‌ خاوەنی‌ چەند رۆمانێكە لەوانە، بیلۆڤید، گۆرانی‌ سۆلۆمۆن ‌و شینترین چاو‌و چەند كتێبێكی‌ تر‌و ساڵی‌ (1993) خەڵاتی‌ نۆبڵی‌ بۆ كۆی‌ بەرهەمەكانی‌ پێ بەخشرا، دواتریش خەڵاتی‌ پۆلیتزەری‌ بۆ رۆمانی‌ بلیۆڤید بەدەست هێناوە.
رۆمانی‌ بیلۆڤید باس لەوە دەكات لە كاتی‌ جەنگی‌ ناوخۆی‌ ئەمریكادا ژنێك منداڵە دوو ساڵانەكەی‌ خۆی‌ دەكوژێت بۆ ئەوەی‌ نەفی‌ نەكرێت ‌و دەرنەكرێت، پاشان دەیەوێ خۆی‌ بكوژێت، بەڵام دەستگیر دەكرێت ‌و فریا ناكەوێ، تا كۆتایی ژیانیشی‌ تارمایی منداڵەكەی‌ دەست لە بەرۆكی‌ بەر نادات.