ئەمریكا داوا دەكات كەشتییە نەوتهەڵگرە ئێرانییەكە درێژتر بكاتەوە

16/08/2019 - 12:01 بڵاوکراوەتەوە لە هەواڵ/گشتی

 

 

بەرپرسانی ئەمریكی داوایان لە حكومەتی جەبەل تاریق كردووە كە ماوەی دەست بەسەردا گیرانی نەوتهەڵگری ئێرانی درێژتر بكاتەوە.

هەندێك سەرچاوەی خۆجێی باسیان لەوەكردووە، وەزارەتی دادی ئەمریكا داوای لە حكومەتی جەبەل تاریق كردووە ڕاگرتنی نەوتهەڵگری گریسی یەك درێژ بكاتەوە.

ئاماژە بەوەشدراوە كە وەزارەتی دادی ئەمریكا بە ناردنی نامەیەك بۆ حكومەتی جەبەل تاریق خوازیاری درێژەی ڕاگیرانی نەوتهەڵگری ئێرانی گریسی یەك بووە.

شایانی باسە ئەو داخوازییەی ئەمریكا چەند كاتژمێرێك پاش ئەوە ڕاگەیەندرا كە بڕیار بوو نەوتهەڵگری ئێرانی بە حوكمی دادگەی ناوچەیی جەبەل تاریق پاش مانگ و نیوێك ئازاد بكرێت.

واتە وەك سەرچاوەكانی خۆجێی پشت‌ ڕاستیان كردۆتەوە، داخوازی ئەمریكا بە مانای هەڵوەشانەوەی بڕیاری ئازادكرانی نەوتهەڵگری ئێرانی.

شایانی باسە تاكو ئێستا بەرپرسانی جەبەل تاریق هیچ كاردانەوەیەكیان بەو هەواڵە نیشان نەداوە.