بۆردومانی بەندیخانەیەك 100 كوژراوی لێدەكەوێتەوە

02/09/2019 - 08:40 بڵاوکراوەتەوە لە هەواڵ/گشتی

 

 

بەرپرسێكی لێژنەی خاچی سووری نێودەوڵەتی وتی: بەهۆی هێرشێكی هاوپەیمانێتی سەربازی بە ڕابەرایەتی سعودیە بۆ سەر بەندینخانەیەك لە باشووری ڕۆژئاوای یەمەن بەلایەنی كەمەوە (100) كەس كوژراون.

سەرۆكی لێژنەی خاچی سووری نێودەوڵەتی لە یەمەن (فرانز ڕاوشتاین) لەڕێگەی تەلەفۆنەوە دوای سەردانەكەی بۆ شوێنەكە بە ڕۆیتەرزی وت : هێشتا بەشوێن لاشەكاندا دەگەڕێین لەژێر بینا ڕووخاوەكەی بەندینخانەكەدا لە شاری زومار.

هاوپەیمانێتی سەربازی بە ڕابەرایەتی سعودیە ئاماژەی بەوەدا كۆگایەكی فڕۆكەی بێ فڕۆكەوان و مووشەكی حوسییەكانیان كردۆتە ئامانج.

بەرپرسانی حوسییەكان و دانیشتوانی ناوچەكە وتیان: هێرشێكی ئاسمانی شوێنێكیان كردۆتە ئامانج كە وەكو بەندینخانە بەكارهێنراوە.