خۆپیشاندان لەمیسر دەستی پێكردەوە، داوای ڕۆیشتنی سیسی دەكەن

21/09/2019 - 10:06 بڵاوکراوەتەوە لە هەواڵ/گشتی


ئێوارەی رۆژی هەینی رۆژێكی جیاواز بوو بۆ گەلی میسر و بە هەزاران خۆپیشاندەر رژانەسەر شەقامەكان و داوای رۆیشتی عەبدالفتاح سیسی سەرۆكی كۆماری ئەو وڵاتەیان دەكرد.


خۆپیشاندەران لەچەند مەیدانێكی شارەكانی میسر گردبوونەوە بەدروشمی (ارحل یاسیسی) دەستیان بە خۆپیشاندان و وتنەوەی دروشمی جۆراوجۆر كرد.


لەشاری قاهیرە خۆپیشاندەران خۆیان گەیاندە مەیدانی تەحریری ئەو شارە كە ماوەی چەند ساڵێكە لەلایەن دەسەڵاتدرانی میسرەوە رێگا نادرێ گردبونەوەی تێدابكرێت.


خۆپیشاندانەكان تادرەنگانیكی شەوی رابردوو بەردەوام بوون و لە هەریەك لە شارەكانی قاهیرەو جیزەو ئەسكەندەریەو سویس و غەربیەو دەقهلیە و قلیوبیەو بەنی سویف وشەرقیەو دەمیات خۆپیشاندان بەرێوەچوو.


لەلایەن هێزە ئەمنیەكانەوە بە گازی فرمێسك رێژ و دەسترێژی گوللە لەمەیدانەكاندا بڵاوە بە خۆپیشاندەران دەكرا و ژمارەیەك خۆپیشاندەریش برینداربون.


لەلایەكی دیكەوە هەرئەمڕۆ رێكخراوی هیومان رایتس ووچ رایگەیاند"دەسەڵاتدارانی میسر توندو تیژیان بەرامەبەر بە خۆپیشاندەران ئەنجامداوە و داوای لەدەسەلاتداران كرد كە خۆیان بپاریزن لە توندو تیژی بەرامبەرە بە خۆپیشاندەران."


جێگەی ئاماژەیە ئەو خۆپیشاندانە دوای ئەوە هات كە زیاترلەشەش ساڵ پێش ئێستا بە كۆتایەكی سەربازی عەبدالفاتح سیسی محمد مورسی تاكە سەرۆككۆماری هەڵبژێراو لەسەركارلادراو دواتریش خرایە زیندانەوە لەمانگی حوزەیرانی ئەمساڵیشدا لەرووداوێكی تەممو مژاویدا كۆچی دوایكرد.