بەهۆی ئاگركەوتنەوە لەكەمپێكی پەنابەران دایك و مناڵێك گیانیان لەدەستدا

30/09/2019 - 09:55 بڵاوکراوەتەوە لە هەواڵ/گشتی

بەھۆی كەوتنەوەی ئاگرێك لە كەمپی مۆریای پەناباران لە دورگەی میدللی یۆنان، ژن و منداڵێك گیانیان لەدەستدا.

میدیاكانی یۆنان بڵاویانكردووەتەوە، لەكاتی خۆپیشاندانی گروپێك لە كەمپی مۆریا بەهۆی خراپی بارودۆخ، ئاگر لە كۆنتیەنەری پەنابەرەكان كەوتووەتەوە و بەوهۆیەوە ئافرەتێك و منداڵێك گیانیان لەدەستدا.

هاوكات، ستراتیس كیتەلیس، سەرۆكی شارەوانی میدللی، بە كەناڵەكانی یۆنانی رایگەیاندووە كە رەوشی كەمپەكە ناسەقامگیرە و ئەم شەو شەوێكی قورس دەبێت".

كەمپی ئاوارەكانی یۆنان بەهۆی ئەوەی كەپێكهاتەو نەتەوەو ئاینی جیاجیاتێدایە، هەروەها بەهۆی خراپی گوزەرانی دانیشتونەكەی بەردەوام كێشەوئاژاوەی تێدا ڕوودەدات.