دوو سەربازی ئەمریكا كوژران و شەش سەربازی تر بریندارن

09/02/2020 - 11:53 بڵاوکراوەتەوە لە هەواڵ/گشتی

 


سەرچاوەیەك لە سوپای ئەمریكا ڕایدەگەیەنێت: دوو سەربازمان كوژران و شەش سەربازی دیكەمان برینداربوون و ڕوداوەكە لە ئەفغانستان ڕویداوە.

 

سەرچاوەیەك لە سوپای ئەمریكا بڵاویكردەوە چەكدارانی سەر بە بزوتنەوەی تاڵیبان لە ویلایەتی نەنكرهار لە خۆرهەڵاتی ئەفغانستان بە جلی سەربازی ئەفغانییەوە هێرشیان كردووەتە سەر هێزەكانی ئەمریكا و ئەفغانستان و بەهۆیەوە دوو سەربازی ئەمریكی كوژراون و 6ی تریش بریندار بوون.

 

ئەوەشی خستەڕوو: لێكۆڵینەوەكان لەبارەی ئەو هێرشە چاوەڕواننەكراوە دەستی پێكردوە، هەرچەندە لە ساڵانی رابردوودا هێرشەكان روویان لە كەمبوونەوە كردبوو، بەڵام لەئێستادا هێزی هاوبەشی ئەمریكا و ئەفغانستان بۆ رووبەروونەوەی توندڕەوەكان چالاككراوە و ئەوەش هێرشەكانی تاڵیبانی زیاد كردوە.