بەهۆی جگەرەكێشانەوە ساڵانە زیاتر لە هەشت ملیۆن كەس گیان لەدەستدەدەن

09/02/2020 - 12:48 بڵاوکراوەتەوە لە هەواڵ/گشتی

 

بەهۆی ئەو نەخۆشییانەی كە لە ئەنجامی جگەرەكێشان تووشی كەسانی جگەرەكێش دەبن، ساڵانە زیاتر لە هەشت ملیۆن كەس لە سەرتاسەری جیهان گیان لەدەستدەدن، هەروەها نیوەی كەسانی ئالودەبوو بە جۆرەكانی توتن لە ئەنجامی كێشانی، گیان لەدەست دەدەن.

 

بەپێی ئەو زانیارییانەی ئاژانسی ئانادۆڵ لە رێكخراوی تەندروستی جیهانییەوە دەستیكەوتوون، كۆماری كیریباس لەسەرووی ئەو وڵاتانەی جیهان دێت لە رێژەی ئالودەبوون بە كێشانی توتن لەنێو هاووڵاتییانیدا.

 

رێژەی كەسانی جگەرەكێش لەو وڵاتەدا كە ژمارەی دانیشتوانەكەی ١١٦ هەزار كەسە، ٥٢،٤ لەسەدایە، و رۆژانە ٢٠٠ كەس بەهۆی ئەو نەخۆشییانەی كە لە ئەنجامی جگەرەكێشان تووشی دەبن، گیان لەدەستدەدەن.

 

كۆماری ناوروو لە ریزبەندیی دووەم دێت و رێژەی كەسانی جگەرەكێش تیایدا ٤٧،٥٠یە لەسەدا، دوای ئەو سڕبیا دێت بە ٤١،٦٥ لەسەدا و رووسیا بە ٤٠،٩٠ لەسەدا و ئوردن بە ٤٠،٤٥ لەسەدا و ئیندۆنێزیا بە ٣٩،٩٠ لەسەدا، هەروەها توركیا لە ریزبەندی ٤٠هەمین دێت لەسەر ئاستی جیهاندا بە رێژەی ٢٥،٩٥ لەسەدا.

 

هەر بەپێی زانیارییەكان، ژمارەی كەسانی جگەرەكێش لەسەر ئاستی جیهان دەگاتە ملیارێك و ١٠٠ ملیۆن كەس و لەسەدا ٨٠ی ئەو كەسانەدا لە وڵاتانی كەم داهات و داهات مامناوەنددان.

 

جێی ئاماژەیە، رێكخراوی تەندروستی جیهانی لە ساڵی ١٩٨٧ەوە ساڵانە لە رۆژی ٩ی شوباتدا یادی رۆژی جیهانی بەرەنگاربوونەوەی جگەرەكێشان دەكاتەوە.