بەریتانیا ژمارەیەكی پێوانەی كۆچبەری دەستگیركرد

09/02/2020 - 13:06 بڵاوکراوەتەوە لە هەواڵ/گشتی

 

میدیاكانی بەریتانیا بڵاویان كردەوە كە حكومەتی بەریتانیا لە ڕێگەی هێزی پاراستنی سنورەكانیەوە ، سەد و دوو كۆچبەریان دەستگیركردوە ، كە ویستویانە بە ڕێگەی نائاسای لە ئاوەكانی نێوان فەرەنسا و بەریتانیادا بپەڕنەوە خۆیان بگەیەنە خاكی ئەو وڵاتە.

 

بەرپرسانی وەزارەتی ناوخۆی بەریتانیا ئاماژەیان بەوەداوە كە رۆژی ٧ی ئەم مانگە هێزەكانیان پێنج بەلەمیان لە ئاوەكانی نێوان فەرەنسا و بەریتانیا كە ناسراوە بە كەناڵی ئینگلیزی دەستگیركردووە ، كە پڕلە كۆچبەربون و ویستویانە بە ڕێگەی بە نایاسایی بچنە خاكی بەریتانیاوە.

 

بەرپرسانی ئەو وەزارەتەش ئاماژەیان بەوداوە ، ئەوسەرنشینانەی كە لە ناو بەلەمەكاندابوون سەرجەمیان وەك كۆچبەرخۆیان ناساندوە ، بەوتەی خۆشیان هاوڵاتی ئێرانی و عێراقی و پاكستانی و سوری بوون ، لەكۆی ئەو ژمارەیەش حەوت كۆچبەریان منداڵ بووە.

 

بەرپرسانی ئەو وڵاتەش ئاماژە بە مەترسی زۆردەكەن لە بەرامبەر ئەو ژمارە زۆرەی كۆچبەران كە لە ئێستادا ڕوو لە خاكی ئەو وڵاتەكەیان دەكەن ، ڕاشیدەگەیەنن دەستگیركردنی ئەو ژمارە زۆرەی كۆچبەران لە یەك رۆژدا ژمارەیەكی پێوانەی وڵاتەكەیاندا تۆماركردوە.


ئەوەش لە كاتێكدایە كە پاش تەنها یەك ڕۆژ لە دەستگیركردنی ٩٠ كۆچبەری دیكە دێت ، كە لە هەوڵی گەیشتنیان بوون بە خاكی بەریتانیا و لە كەناراوەكانی باشوری بەریتانیا لە ناوچەی كێنت دەستگیركران.